Елордада 8 жасар баланы көлік қағып кетті, деп хабаарлайды Polisia.kz.
«19 желтоқсан күні сағат 17:50 шамасында Toyota Highlander автокөлігі Бұқар жырау көшесімен келе жатып, жолдың жүру бөлігінен бағдаршамның тыйым салынған сигналына өтіп бара жатқан кәмелетке толмаған баланы қағып кетті. Жол апаты салдарынан 8 жасар бала қалалық ауруханаға жеткізілді және дәрігерлер тексергеннен кейін үйіне жіберілді. Аталған факті бойынша анықтау жүргізілуде», - делінген хабарламада.
Оқиғадан кейін жақын маңдағы үйлердің тұрғындары жарықтандырудың болмауына байланысты жолды жауып тастады. Жиналғандарға ішкі істер органы өкілдері түсіндіру жұмыстарын жүргізді. Аталған учаскені жақсарту бойынша жол жұмыстарын жүргізу қажеттілігі туралы ақпарат жергілікті атқарушы органға жіберілді.
