Әлеуметтік желіде жантүршігерлік видео тарады. ШҚО-да белгісіз біреулер күшікті ағаш үйшікке қамап, оны тірідей шыжғыртып өртеп жіберген, деп хабарлайды Alash.KZ ұлттық порталы Massaget.kz порталына сілтеп.
Жол жиегінде өртеніп жатқан үйшікті өскемендік еріктілер байқап қалған. Ішін қараған кезде кезде шынжырмен байланған өлі күшікті көрген.
"Оны өртіп жіберген. Асқан қатыгездікпен жасалған: күшік үйшікте қамалып қалған, есігі жастықпен жабылған. Қолғап киіп жасаған, ол жерде шашылып жатыр, үйшік мықты, ал шынжыры жаңа", - деп жазылған видеода.
Полиция бұл жағдайға пікір білдірді.
ШҚО Полиция департаментінің баспасөз қызметі мәліметінше, жануарларға қатыгездік көрсету дерегі бойынша қылмыстық іс қозғалған. Тергеу жүргізіліп жатыр.
