Ақтөбе қаласында кәмелетке толмаған жасөспірімге қатысты ауыр қылмыс жасаған әскери қызметкерге қатысты сот үкімі шықты, деп жазады Alash.kz.
Қылмыстық кодекстің 120-бабы бойынша айыпталған ер адам он бес жыл алты айға бас бостандығынан айырылды. Қылмыстық істі тергеумен Батыс өңірлік әскери-тергеу басқармасының Ақтөбе бөлімінің қызметкерлері айналысты. Жәбірленушінің кәмелетке толмағандығына байланысты іс материалдарының егжей-тегжейі жарияланған жоқ. Сот отырыстары Астана қаласындағы сотта жабық режимде өтті.
Сот материалдарында қылмыстың мән-жайы туралы қысқаша мәлімделген: «Ер адам жасөспірімнің дәрменсіз күйін пайдаланып, жыныстық қатынасқа түскен. Ол кінәлі деп танылды».
Сот шешімімен бұрынғы әскери қызметкер жазасын қатаң режимдегі колонияда өтейтін болды. Сонымен қатар, ол әскери атағынан толық айырылды.
