Қызылорда қаласының екі тұрғыны аса ірі мөлшерде есірткі сатқаны үшін 11 жылға бас бостандығынан айырылды, - деп хабарлайды Alash.kz Massaget.kz-қа сілтеме жасап.
Қызылорда облысы полиция департаментінің қызметкерлері жүргізген жедел іздестіру іс-шаралары барысында сату мақсатында аса ірі мөлшерде есірткі сақтаған Қызылорда қаласының 2 тұрғыны құрықталды.
"Жүргізілген іс-шараның нәтижесінде күдіктілердің мекенжайларынан жалпы салмағы 1,4 келі есірткі тәркіленді", - деп жазылған хабарламада.
Соталды тергеп-тексерістің нәтижесінде жинақталған барлық құжат, дәлелдер сотқа жолданып, соттың үкімімен күдіктілер 11 жылға сотталды.
