Шымкентте кісі қолынан қаза тапқан Нұрай Серікбайдың адвокаты Аянхан Омаров марқұмға тіл тигізгендерге қатысты мәлімдеме жасады, деп хабарлайды Alash.kz.
Заңгер әлеуметтік желіде Нұрайдың тарапына жазған ар-намысқа нұқсан келтіретін пікір иелерінің заң алдында жауапкершілікке тартылатынын ашып айтты.
Руслан Өтепбайдың YouTube арнасында жарияланған «ШЫМКЕНТТІК НҰРАЙ СЕРІКБАЙДЫҢ ҚАЗАСЫ» атты бейнематериалдың астында «Maxset Minbaev» аккаунты марқұм Нұрай Серікбайдың ар-намысы мен қадір-қасиетіне нұқсан келтіретін, әдепсіз және қорлайтын пікірлер жариялаған.
Аталған факті бойынша ҚР Қылмыстық кодексінің 131-бабы (Қорлау) белгілерімен арыз берілді.
Пікір мәтіндеріне кешенді сот-психологиялық-филологиялық сараптама тағайындау сұралды.
Нұрайдың ар-намысы мен қадір-қасиеті заңмен қорғалады!
