Торғай топырағында туып, шетел асқан Жәнібектің (Jani Saveliev) туған анасы болуы мүмкін азаматша туралы хат келді, деп жазады Alash.KZ сайты "Қазақ радиосына" сілтеме жасап.
Хатта айтылған дерек Жәнібектің мәліметіне сай келеді. Хат мазмұны қысқаша былай:
Жәнібектің анасы болуы мүмкін деген әйел 2002 жылдары Моңғолиядан Арқалыққа келіп оқыған. Оқып жүріп аяғы ауыр болып қалады. Ата-анасына айтудан қорыққан қыз перзентханаға барып босанып, қолхат жазып, баласынан бас тартқан. Бұл хатты жазып отырған әйел Жәнібектің анасы болуы мүмкін әйел өзінің қайын әпкесі екенін жазған.
Хат авторы Жәнібекті сол бала болуы мүмкін деген ойын айтыпты. Өйткені туған күндері сәйкес келеді. Оның үстіне, баласын іздеген әйелдің айтуынша, Жәнібек сол әйелге қатты ұқсайтын көрінеді.
Хат соңында "Құрметті, қазақ радиосының ұжымы! Қайын әпкем ДНК тапсырып, Жәнібекке қатысы бар жоғын білгісі келеді" депті.
