Ақтөбеде дәрігерді өлтірген мейіргер 20 жылға сотталды

Ақтөбеде 69 жастағы дәрігерді өлтіріп, денесін тоңазытқышқа жасырған 31 жастағы мейіргер 20 жылға бас бостандығынан айырылды, деп жазады Alash.KZ.

Тергеу мәліметінше, айыпталушы диализ орталығында бірге жұмыс істеген нефролог дәрігердің сеніміне кіріп, оның телефонына банк қосымшаларын орнатып жүрген. Сол сәтте ол әріптесінің есепшотында қомақты қаржы барын байқап қалған.

Кейін дәрігер көзін емдету үшін Астанаға аттанарда пәтерінің кілтін сол әріптесіне қалдырып, үйін қарайлауды өтінген. Алайда дәрігер үйіне оралған күні пәтерінде жасырынған мейіргер оған бірнеше рет балтамен соққы жасаған.

Қылмыскер марқұмның денесін тоңазытқышқа салып, пәтерден жалпы 6,9 млн теңгеге жуық ақша мен бағалы заттарды ұрлап кеткен.

Сот үкімі бойынша ол 20 жылға бас бостандығынан айырылды.