Дональд Трамп АҚШ Конгресіне арнайы хат жолдап, Иран Ислам Республикасына қарсы жүргізілген әскери қимылдардың аяқталғанын хабарлады, деп жазады Alash.kz.
Мемлекет басшысының мәлімдеуінше, тараптар арасындағы белсенді атыстар тоқтағанымен, американдық әскерлер аймақтағы тұрақтылықты сақтау үшін Таяу Шығыстағы позицияларын сақтап қалады. Бұл шешім Тегеран тарапынан туындауы мүмкін ықтимал қауіптердің алдын алу қажеттілігімен түсіндірілді.
Президенттің заң шығарушы органға жолдаған мәлімдемесінде әскери операциялардың нақты хронологиясы көрсетілген. Құжатқа сәйкес, екі ел армиясы арасындағы тікелей қақтығыстар соңғы бірнеше апта бойы байқалмаған. Трамп мырза өз хатында ахуалдың тұрақталғанын алға тартып, соғыс фазасының аяқталғанын бекітті.
«2026 жылдың 7 сәуірінен бастап Америка Құрама Штаттары мен Иранның қарулы күштері арасында бірде-бір атыс жағдайы тіркелген жоқ. 2026 жылдың 28 ақпанында басталған соғыс қимылдары аяқталды», — деп жазды Дональд Трамп Конгреске жолдаған ресми хатында.
