Ақмола облысында ерлі-зайыпты дәрігерлерге шабуыл жасаған (Видео)

Оқиға 18 қаңтарда аурухананың жансақтау бөлімінде болған. 3 жасар бала қансыраған күйде ауруханаға жеткізілген, деп жазады Alash.KZ. 

Ата-анасының айтуынша, үйде баланың үстіне аласа шкаф құлап кеткен. Үш саусағы жаншылып, терінің жыртылған жерінен тырнағы салбырап қалған. Саусақ үгіліп, терісі алынған. Осылайша жаншылған үш саусақтың ұшын ампутациялау керек болған.

Травматолог Мейрам Дүйсекеев баланың ата-анасына ампутация жасалатынын ескерткен. Алайда олар мұны қабылдаудан бас тартқан. Анасы дәрігермен сөз таластырып, соңында пернетақтасын лақтырып, қағаздарын шашып кеткен.

Тіпті отаға бара жатқан анестезиологты ұстап алып, балағаттап, қорлаған. Отадан соң маман ерлі-зайыптыны шақырып, наркоздан кейін балаға қандай күтім жасау керегін түсіндіруге тырысқан. Алайда ерлі-зайыпты дәрігердің сөзін құлағына да ілмеген.

Дәрігерлер баланы палатаға ауыстырып, ерлі-зайыптының үстінен шағым түсірді.