Алматыда театр қойылымдарына билет жоқ

Алматы өнер мен мәдениет ордасы деген сөз қалыптасқан. Шын мәнінде осы сөздің өзін өзі дәлелдуі көңіл қуантады. Мәселен соңғы уақытта Алматыда театр өнеріне көрерменнің қызығушылығы күрт артқан. Тіпті кей өнер ұжымдарының қойылымдарына билет алу үшін айлап күтуге тура келуде.

Мұндай тенденцияға әртістер өте қуанышты. Бұл туралы Орталық коммуникациялар қызметінде өткен баспасөз мәслихатында айтылды. Халықтың ықыласына бөленген Мұхтар Әуезов театрының әртістері Астанаға келіп, 1 апта өнер көрсетпекші. Көрермендерге таңдалып алынған үздік 7 қойылымын ұсынбақ.

Одан бөлек, өнер ұжымының ғимараты биыл күрделі жөндеуден өтпекші екен. «Қыркүйек айында театр күрделі жөңдеуге жабылады деген жоспар бар. Егер бәрі жоспарға сай болатын болса, біздің театрымыз негізінен бүкіл республика бойынша турне жасайды, яғни 2 жылда республиканың барлық орталығын аралап шығамыз және 2 жылда 6 шетелдік қалалар жоспарда тұр», - дейді  М.Әуезов атындағы Қазақ ұлттық драма театрының директоры Еркін Жуасбек. Бұл жаңалық Астана тұрңындарын қуантып отыр.