Ведомства ақпаратынша, жерасты дүмпулері Алматы уақыты бойынша 10:08-де тіркелді. Жер сілкінісінің ошағы Алматыдан оңтүстік-шығысқа қарай 259 шақырым жерде Қытай аумағында орналасқан.
Бұл елде афтершок болған. Магнитудасы - 5,2. Ал Алматыда 2 балл болып сезілген.
"Зардап шеккендер мен қираулар туралы ақпарат болған жоқ. Жағдай тұрақты", - деп хабарлады ведомство өкілдері.
Төтенше жағдайлар министрлігі азаматтарға сабыр сақтап, дүрбелең салмауға кеңес берді.
Сондай-ақ, 23 ақпанда Қазақстан бойынша ауқымды сейсмикалық жаттығулар өткізіліп жатыр.
Фото: elements.envato.com
