Алаштың саяси көсемі Әлихан Бөкейханның ұрпағы шоқынып кетті деп жазып жатқандар бар. Алаш элитасының көсемі Әлихан орыс қызын алуға саяси тұрғыдан мәжбүр болған. Жары Елизавета Яковлевна аурудан қайтыс болғанда, оны христиандық тәртіппен жерледі.
Әлихан Бөкейхан басқа діндегі әйелін зорлықпен мұсылман дінін қабылдауға шақырса, патшаның заңымен сотталып кететін заман болғанын қазіргілер біле бермейді. Сондықтан жарын өз дінінде қалдырып, христиан дініндегі тәртіппен Семейде жерлеген. Әлиханның ұрпағы тірі қалу үшін анасының дінін көрсетуге мәжбүр болғанын қазіргі сыншылардың басына бермесін. Осыны білмейтін бүгінгі дымбілместер ұрпағы шоқынған, христиан әйелге үйленген деп аруаққа тіл тигізіп жүр.
Шын мәнінде, ол кісінің саяси амалмен үйленгенін біле жүруіміз керек. Қайсыбір қазақ қызын Әлихан Бөкейхан өзі көрген түрменің есігінде телміреуге, қудалауға, қамауда отыруға қияр еді? Қазіргі кез тұрғысынан ол заманға сын айту – зор әдепсіздік.
Айгүл ІСМАҚОВА, алаштанушы ғалым
“AIQYN” газетіне берген сұхбатынан үзінді
Alash.kz ұлттық порталы
