ҚР Парламенті Мәжілісінің депутаты Асхат Аймағамбетов колледждердің студенттер жасаған өнімдерді заңды түрде сатуына жол ашатын заңға Президент қол қойғанын мәлімдеді, деп хабарлайды Alash.kz.
Депутат бұл туралы желідегі парақшасында жария етті:
Колледждер үшін маңызды жаңалық!
Мемлекет басшысы заңға қол қойды.
Енді колледждер студенттер өндірістік практикада жасаған нан-тоқаш, тоқыма, ағаш және басқа да бұйымдарды артық бюрократиясыз заңды түрде сата алады.
Бұл қаражат шикізат сатып алуға, практиканы күшейтуге және студенттерге нарықпен жұмыс істеудің нақты тәжірибесін беруге жұмсалады.
Айттық – орындадық.
