Дулат Исабеков Мұхтар Мағауиннің қазасына қатысты пікір білдіріп, әруағынан кешірім сұрады, деп жазады Alash.kz ұлттық порталы.
“Мұхтар Мағауин қайтыс болды деген хабарды естігенде отырып қалдым. Ойпырым-ай, кеше ғана сау адам сияқты еді, екеуіміз айтысып жүр едік қой. Бұл қалай болғаны? Тіршілігіңде өлмейтіндей жүреді екенсің. Қайтыс болады деген ойымда жоқ еді. Кейде Мұхаңды “Әй, менен кейін қайтыс болатын шығар” деп ойлайтынмын.
“Ал, айналайын, Мұха! Анау-мынау сәл-сәл артық айтып қойған болсам, әруағың кешірсін. Артық айтқан ешнәрсем жоқ сияқты деп ойлаймын. Егер де солардың бірін артық деп ойласаң, кешірім сұраймын! Қазақ халқы үшін үлкен олжа тастап кеттің. Өзің кеттің, артыңда Мұхтар деген атың, шығармаларың мәңгілік қалды”, – деді Дулат Исабеков “Хабар” телеарнасының “7 күн” сараптамалық бағдарламасына берген сұхбатында.
