Марқұм Нұрайдың ағасы Сұлтан Серікбай іс бойынша шыққан сот үкіміне қатысты пікір білдіріп, тағайындалған жазамен толықтай келісетінін мәлімдеді, деп хабарлайды Alash.kz.
Ол сот процесінің аяқталуына байланысты:
«Дәлелдің бәрін бердік. Бұл біздің 8 айлық еңбегіміздің нәтижесі. Сотталғанның адвокаттары апелляциялық шағым түсіреді. Ал біз бұл істі соңына дейін жеткіземіз», – деп атап өтті.
Өз кезегінде адвокат Аянхан Омаров та Шерхан Аймаханның қорғаушылары тарапынан апелляциялық шағым түсірілетінін растап, алдағы апелляциялық сотты күтетінін жеткізді. Сондай-ақ қорғаушы судья шығарған өмір бойына бас бостандығынан айыру туралы үкімге көңілі толықтай толатынын білдірді.
