Қостанайда қызғаныш салдарынан бұрынғы әйелін аңшы мылтығымен атып өтірген ер адамға қатысты сот үкімі шықты, деп хабарлайды Alash.kz.
Оқиға осы жылдың наурыз айында болған. Ер адам қызғаныштан туындаған жанжал кезінде бұрынғы жұбайының басы мен кеуде тұсына екі рет оқ атқан. Алған ауыр жарақаттарының салдарынан жәбірленуші оқиға орнында көз жұмды.
Қылмыс жасағаннан кейін бой тасалаған сотталушы кейін полиция бөліміне өзі келіп, кінәсін толықтай мойындаған.
Сот шешімімен ол күнәлі деп танылып, 12 жылға бас бостандығынан айырылды. Жазасын қылмыстық-атқару жүйесінің орташа қауіпсіздік мекемесінде өтейтін болады.
