Тележүргізуші, журналист Асхат Садырбайдың бұрынғы жұбайы Kyn.kz ақпарат порталына сұхбат беріп, экс-күйеуінің өзіне көрсеткен қорлығын баяндаған еді. Журналист Асхат Садырбай Alash.kz тілшісіне бұл ақпараттың шындыққа жанаспайтынын айтты, деп хабарлайды Alash.kz.
Сұхбатта Айғаным Болатқызы күйеуі отасқан жылдары өзін ұрып-соғып, енесі күн көрсетпейтінін жеткізген.
Ал Асхат Садырбай бұл ақпараттың жалған екенін, 5 жыл бұрын ажырасып кеткендерін айтты.
Мен туралы таралып жатқан ақпарат шындыққа жанаспайды. Біз 5 жыл бұрын ажырасып кеткенбіз. Қазіргі уақытта мен балама көмектесіп, кездесіп тұрамын. Басқа мәселелер бойынша барлық тақырып баяғыда жабылған. Бұл сұхбат пен материалдың мақсатын түсінбедім. Заңгерлерге жүгіндім. Жұмыс істеп жатыр”,- деді ол тілшіге.
