41 млн теңге: Алматыда мектеп бітіру кешіне қатысты шу шықты (ВИДЕО)

Алматыда мектеп бітіруге дайындалып жатқан оқушылардың бірінің анасы әлеуметтік желіде жазба қалдырып, қомақты қаражат жиналып жатқанына шағым айтты, деп жазады Alash.KZ. 

Ол жариялаған видеоүндеуге сәйкес, 138 оқушыдан ұйымдастырушылар бас-аяғы 41 миллион теңге жинамақ болған. Оның ішінде 9 миллион теңгені шоу-бағдарламаға жұмсау көзделген.

Оқу-ағарту министрлігі осыған қатысты түсініктеме берді.

Ведомствода осы мәселе бойынша алдын ала тергеу жүргізілгенін хабарлады.

Қаражат жинау бастамасы ата-аналар тобынан туындағаны және ата-аналардың бейресми чаттарында талқыланғаны анықталған.

Мектеп директоры қызметтік міндеттерін тиісінше орындамағаны және заңсыз қаражат жинаудың алдын алу үшін тиісті бақылаудың болмауы үшін тәртіптік жазаға тартылды.