Еңбек және халықты әлеуметтік қорғау вице-министрі Олжас Анафин тосын мәлімдеме жасап, 2023-2024 жылдарында қазақстандықтардың өмір сүру жағдайы жақсарғаны туралы жеткізді, - деп хабарлайды Alash.kz ұлттық порталы.
Министр орынбасарының мәлімдемесін Massaget.kz порталы алға тартты:
Олжас Анафиннің айтуынша, аз қамтылған отбасыларға кешенді қолдау көрсету шараларының нәтижесінде 2023 жылы өткен жылы АӘК алғандардың арасынан 54 мың адам мұқтаждық шегінен шыққан.
"Биыл кедейліктен шыққандар саны 52,5 мың адам болды", - деді Анафин ОКҚ-да өткен брифингте.
Сондай-ақ ол әлеуметтік келісімшартты енгізудің арқасында еңбекке қабілетті 16 мың әлеуметтік көмек алушы жұмыспен қамтудың белсенді шараларына тартылғанын атап өтті.
"Сонымен қатар жұмыспен қамту шараларының басым бөлігін тұрақты жұмыс орындары құрайтынын атап өткен жөн. Есепті кезеңде 11,2 мың адам немесе 70 пайызы тұрақты жұмыс орындарына жұмысқа орналастырылды. 3,5 мың адамға немесе 22 пайызына уақытша жұмысқа орналасу шаралары көрсетілді, соның ішінде: 2,8 мың адам қоғамдық жұмыс орындарына, 500 адам әлеуметтік жұмыс орындарына орналастырылды, 204 адам жастар тәжірибесіне жіберілді", - деп толықтырды спикер.
