11 тілде еркін сөйлейтін 19 жастағы қазақ қызы кім? (Видео)

11 тілді жетік меңгерген 19 жастағы Дильнара Ғайнидинова жұртшылықты таңғалдырды. Полиглот ағылшын, қырғыз, татар, қытай, түрік, әзірбайжан және испан тілдерінде еркін сөйлейді. Қазір Түркияда оқиды, деп жазады Alash.KZ "Қазақстан" ұлттық арнасына сілтеме жасап. 

Дильнара 5-6 жасында-ақ Орталық Азия елдерінің тілдерінде жатық сөйлеген. Әкесі әскери адам болғандықтан, шекарадан-шекараға көшіп жүріп үйреніп алған көрінеді. Бір-біріне ұқсас, туыс тілдер болғандықтан, қиындық тудырмады дейді.

Дильнара Ғайнидинова тіл үйренуге күнделікті 2-3 сағатын арнайды. Болашақта өзгелердің де тіл меңгеруіне көмектеспек ниетте.