Қызылорда қаласында 20 жастағы Александр Иванов пышақ жарақатынан қаза тауып, желіде оған шабуыл жасалған сәттің бейнежазбасы тарады, деп хабарлайды Alash.kz.
Қайғылы оқиғаға марқұмның досы мен жергілікті диджей арасында туындаған жанжал себеп болған. Кеңеске келген диджей кейін өз таныстарын көмекке шақырады. Александр темекі шегу үшін сыртқа шыққан сәтте, оған кенеттен бір топ адам жабылып кеткен. Қаскөйлер 20 жастағы жігітті аяусыз соққыға жығып, оған үш жерден сойқанды пышақ жарақатын салған. Ауыр жарақат алған Александр аурухананың жансақтау бөліміне жеткізілгенімен, дәрігерлер оның өмірін арашалап қала алмады.
Марқұмның әпкесінің айтуынша, інісіне шамамен 12 адам жабылып шабуыл жасауы мүмкін. Қара жамылған отбасы бұл оқиға бойынша тергеудің толық әрі әділ жүргізілуін талап етіп отыр.
Оқиғадан кейін құқық қорғау органдары жедел-іздестіру шараларын жүргізіп, аталған қылмысқа қатысы бар деген күдікпен үш адамның ұсталғанын ресми түрде хабарлады.
