Трамп Қытайдан әкелінетін тауарларға 100 пайыздық баж салығын енгізетінін мәлімдеді, деп жазады Alash.KZ.
АҚШ 1 қарашадан бастап Қытайдан келетін тауарларға “қазір төленіп отырған кез келген баж салығының үстінен” тағы 100%-дық экспорттық тариф енгізбек.
“Жаңа ғана Қытайдың сауда саясатынында өте агрессивті ұстанымға бет бұрғаны белгілі болды. Қытай әлем елдеріне 2025 жылдың 1 қарашасынан бастап өзінде өндірілетін тауарлардың басым бөлігіне, тіпті кейбір өзі өндірімейтін өнімдерге де ауқымды экспорттық бақылау енгізетінін хабарлаған хат жолдады”, – деп жазды Трамп.
Трамптың айтуынша, Қытайдың бұл шешімі барлық елдерге бірдей қолданылады. Трамп Қытай билігін “көп жыл бұрын дайындаған жоспардың бір бөлігі” деп айыптады.
