"1 миллион теңге" - Жамбыл облысында қытайлық бастығын ұрған жұмысшы жауапқа тартылды

Жамбыл облысында зауыт жұмысшысы өзін ұстай алмай қытайлық бастығын ұрып тастаған, артынша сот оған айыппұл салды, деп жазады Alash.KZ.

Ер адам бастығына жұмыс уақытының табеліне қол қою үшін жақындаған. Алайда бастығы қол қоюдан бас тартып, екеуінің арасында дау туындаған. Сол сәтте жұмысшы ашуланып, бастығын бірнеше рет жұдырықпен бетінен және денесінен ұрған.

Бастық жарақат алып, сотқа жүгінді. Жұмысшыға "дене жарақатын салу" бабы бойынша айып тағылды. Ол кінәсін мойындап, кешірім сұрады және қатаң жазаламауды өтінді.

Алайда басшысы кешірім бермей, моральдық зиян мен сот шығындары үшін 1 миллион теңге талап етті.

Сот айыпталушыға 157 280 теңге (яғни 40 айлық есептік көрсеткіш) айыппұл салды. Сондай-ақ, 500 мың теңге көлемінде өтемақы төлеуге міндеттеді.