Қостанай облысында қазандық жарылып, үйінді астында адам қалып қойды, деп жазады Alash.KZ сайты Elitar.KZ телеграм арнасына сілтеп.
Әлеуметтік желі де тараған бейнекадрлардан ғимараттың түгелдей опырылып қалғанын көруге болады. Оқиға орнында адам қарасы көп. ьЖергілікті биліктің мәлімдеуінше, 2022 жылы орнатылған №2 қазандық үш екіқабатты тұрғын үй мен әкімшілік ғимараттарды, соның ішінде сот, мұражай және Мәдениет үйін жылумен қамтамасыз етеді.
Құтқарушылар, қирандының астында қалған 1969 жылғы ер адамды шығарып алды. Апатты жағдай, тіркелген жерге, жедел жәрдем шақыртылып, зардап шеккен азамат ауруханаға жеткізілді.
Куәгерлердің айтуынша, ғимаратта басқа адамдар болмаған.
