Балқашта жылу магистральдық құбырларын ауыстыру кезінде үш адамның сүйегі табылды. Бұл факті бойынша тергеу жүріп жатыр, - деп хабарлайды Alash.KZ Tengrinews.kz материалына сүйеніп.
Магистральдық құбырларды ауыстыру кезінде Әлімжанова мен Калмыков көшелерінің қиылысында адам сүйектері табылды. Оларға жер қазу жұмыстарын жүргізіп жатқан мердігер компанияның жұмысшылары тап болды. Олар жан түршігерлік жаңалық туралы полицияға хабарлаған. Айтуларынша, көрсетілген жерге жеткен офицерлер окоптан үш адамның қаңқасын тапқан. Қарағанды облысының полиция департаментінің баспасөз қызметі адам сүйегі табылғанын растады.
«Факті полицияға тіркелді, оның қорытындысы бойынша процессуалдық шешім қабылданады», - деп хабарлады Қарағанды облысы полиция департаментінің баспасөз қызметі.
Мамандар қаңқалардың жер астында қанша уақыт жатқанын және өлімнің зорлық-зомбылық болғанын анықтауы керек. Полиция сонымен бірге өлгендердің жеке басын анықтауы керек.
Бұған дейін желіде Алматыдағы Ұлттық қауіпсіздік комитетінің Шекара академиясының аумағынан адам сүйегі табылғаны туралы хабарлама шыққан болатын. Олар академия аумағындағы инженерлік желілерді жөндеу кезінде табылған. Алматы полиция департаменті бұған дейін бұл факті бойынша тергеу жүріп жатқанын хабарлаған болатын.
