Ұлттық құрылтайда заңгер Айман Омарова зорлық-зомбылықты насихаттайтын бағдарламаларды көрсетпеуді ұсынды.
«Балаларға қатысты зорлық-зомбылық сипатталатын резонансты істе БАҚ өкілдері бізден бұрын қимылдайтыны белгілі. Ал бұл ақпарат көп жағдайда жәбірленушілердің психологиялық күйзелуіне алып келеді. Тіпті, кейбірі ар-намысты алға тартып, өз-өзіне қол жұмсауға барады. Осыған байланысты зорлық-зомбылықты насихаттайтын бағдарламаларға тыйым салып, өрескел дүниені көрсетпеуді сұраймын», - деді заңгер.
Оның пайымдауынша, жағымсыз ақпараттақ гөрі, халыққа пайдалы контент ұсынған дұрыс.
«Керісінше, халыққа пайдалы заңдарды насихаттауымыз керек, көрермендердің құқықтық сауатын арттыруымыз қажет», - деді А.Омарова.
