Белгілі заңгер Ләззат Ахатова әлеуметтік желідегі парақшасында Париж Олимпиадасының күміс жүлдегері Нариманға ешқандай құрмет көрсетілмегенін жазды, деп хабарлайды Alash.KZ.
Автор басқа спортшыларға көрсетіліп жатқан құрметтің гимнастикадан ешкім жетпеген жетістікті бағындырған Нариман Құрбановқа жасалмағанына қапалы.
Медаль алмағандарға да көлік сыйлап жатқан жомарт қазақ, қоланы алтынға бергісіз етіп, қарсы алып жатқан қазақ, тіпті 9-орын алып келген спортшыға Астанадан пәтер беріп жатқан қазақ, бір Нариманға келгенде, тарылғандары қынжылтты.Күміс әкелді ғой, елге! Гимнастикадан ешкім жетпеген жетістікке жетті. Сол жетістік тақиямызға тар кеп тұр ма? Айналдырған 7 медаль, өзі.Ұлтына қарап, алалағандай болдық қой, ұят болды. Атымызға, елдігімізге сын болды. Қазаққа күйеу бала болады екен, легионер емес, өзіміздің бала ғой. Туымызды арқасына жамылып, мәз боп жүрді, олимпиада төрінде, деп жазды Ахатова.
Автор айтпақшы, біздің қазақта жомарт азаматтар аз емес, әлі де басқаларға көрсеткен сый-құрметті жасауға кеш емес.
