«Апат» дегенде әдетте біздің бақылауымыздан тыс нәрсені білдіреді. Дегенмен, біз жазатайым оқиғалар деп атайтын оқиғалардың көпшілігі алдын алуға болатын жарақаттар. Жазатайым оқиғалардың алдын алу мүмкін болмаса да, олардың салдарынан туындайтын жарақаттарды алмауға болады», - деп түсіндірді спикер.
Ол тұрғын үйлердегі өрттердің негізгі себебін ересектердің қауіпсіздікке немқұрайлы қарауы деп атады. Көбінесе бұл балалардың өлімі мен жарақатына апарып соғады.
- балалардың төтенше жағдайда қарапайым ережелерді білмеуі. Балалар өрт кезінде не істеу керектігін білмейді және жай ғана тұрғын үйдегі қауіпсіз болып көрінетін жерлерге – шкафтарға, тумбаларға және т.б. тығылады;
- баланың өрт туындататын қауіпті заттарға қолжетімді болуы және оларды пайдалануға тыйым салуға психологиялық көзқарастардың болмауы;
- балаларды жалғыз немесе қарт кісілермен бірге жабық тұрғын үй-жайларда және ықтимал қауіпті жағдайда қалдыру (жұмыс істейтін электр және газ аспаптары, тозған электр сымдары, темекі шегетін қарт туыстары);
- үй-жайдан шығу мүмкіндігін шектеу.
Өрт кез келген жерде және кез келген уақытта болуы мүмкін. Сондықтан оған әрдайым дайын болу керек.
Спикер өз сөзінде от пен түтіннен құтқаратын қарапайым ережелерді еске түсірді:
- сіріңкелерді, оттықтарды балалардың қолы жетпейтін жерлерде сақтау;
- балаларға өз бетінше пеш жағуға, газ және электр аспаптарын пайдалануға рұқсат бермеу;
- балалардың отпен ойнауын дереу тоқтату;
- балаңызбен бірге шұғыл қызметтердің телефон нөмірлерін біліңіз.
«Балаларға өрт қауіпсіздігі ережелері туралы айту; Өрт қауіпсіздігі ережелерін сақтауда үлгі болыңыз! Өрт қаупі туралы шынайы өмірден емес, сіздің әңгімелеріңізден, ескертулеріңізден және суреттеріңізден білсін!
Есіңізде болсын: сіз балаларыңыздың қауіпсіздігіне жауаптысыз», - деп түйіндеді сөзін Рүстемова.
