Америка президенті Трамп 185 елге баж салығын жариялады, тізімде Қазақстан да бар, деп жазады Alash.KZ.
Ақ үй басшысы мұндай қатаң шаралар қабылдайтынын 2 ай бұрын айтқан. Жарлыққа енді қол қойды. Трамп енгізген 10%-дық баж салығы шетелден әкелінетін барлық тауарға қойылады. Кейбір елдерден тіпті әлдеқайда жоғары баға қойылған.
Мәселен, Қазақстаннан әкелінетін импорттық тауарларға 27% мөлшерінде баж салығы салынады.
Базалық тариф 10 пайызды құрайды, бірақ көптеген елдер үшін ол жоғары болып шықты.
Осылайша, Қытайдан келетін тауарларға баж салығы – 34 пайыз, ЕО елдерінен – 20 пайыз, Швейцариядан – 31 пайыз, Ұлыбританиядан – 10 пайыз, Израильден – 17 пайыз, Қазақстаннан 27 пайыз болады.
Трамп ұсынған тізімде Ресей көрсетілмеген. Ақ үй басшысы бұл Америкада бұрын-соңды болмаған маңызды күн екенін мәлімдеп, тарифтердің мөлшерін көпшілікке кестеден көрсетті.
