Су тасқынынан зардап шеккендерге қашан жаңа үйлер салынатындығы сөз болды, деп хабарлайды Alash.KZ ұлттық порталы.
Егер үй толығымен қирап, қалпына келтіруге жарамсыз болса,оны шешудің екі жолы қарастырылған.Біріншісі, жаңа тұрғын үй салу немесе жылжымайтын мүлік нарығындағы дайын тұрғын үй сатып алу.
Ведомствоның ресми өкілі Меруерт Ибраева брифингте бірнеше талап-ережелер туралы хабарлады.
"Бұл ретте азаматтардың тұрғын үйді өз бетінше таңдауға мүмкіндігі болады, мұнда бекітілген үлгілік жобадан аспайтын құны бойынша шектеу қарастырылғанын атап өту керек. Жазғы коттедждердің тұрғындары да назардан тыс қалмайды (егер бұл олардың жалғыз үйі болса). Олар құжаттары болмаған жағдайда да тұрғын үймен қамтамасыз етіледі, - деді өкіл.
Алайда тұрғындар қанша сомма көлемінде өздеріне үй таңдай алатыны министрлікте нақтыланбаған.
Сонымен қатар, ҚР ЖПҚ өкілі келесі параметрлері бар үлгілік жобалар туралы мәлімдеді:
- ауданы 80 шаршы метр бір пәтерлі тұрғын үй. Құрылыстың болжамды мерзімі-1,5 ай.
- ауданы 160 шаршы метр екі пәтерлі тұрғын үй құрылыстың болжамды мерзімі-2,5 ай.
"Жергілікті әкімдіктер жер учаскелерін анықтап, жақын арада сараптамадан өтіп, жобаларды жергілікті атқару жұмыстарын бастайды", - деп толықтырды өнеркәсіп және құрылыс министрлігінің ресми өкілі Меруерт Ибраева.
