Темекі шеккен полицияға ескерту жасаған белсенді айыппұл арқалады (Видео)

Белсенді Азамат Кәрімов болған жайтты видоеға түсіріп алған. Видеодан оның қоғамдық орында темекі тартып отырған полицейге ескерту жасағанын көруге болады, деп жазады Alash.KZ. 

Осылайша ол арыздану үшін полиция қызметіне жүгінген. Полицейлер келіп, құжатын сұрап, арызды тіркеген. Сол сәтте қоғам белсендісі қызметтік көлік нөміріндегі жарнама атауын байқап, полицейлерге бұған тыйым салынғанын ескерткен.

Осы кезде полицейлердің бірі "Менің мемлекеттік нөмірім неге ұнамай тұр?" деп шамданғанды. Қоғам белсендісі полицейге дөрекі сөйлеп тұрғанын айтып, қызметтік куәлігін көрсетуді сұраған.

Полицей телефонындағы камераны қосып, видеоға түсірген. Ол қоғам белсендісінен аты-жөнін, деректерін айтуды талап еткен. Ал белсенді арыздану кезінде үш рет құжатын көрсеткен.

Осы жағдайдан кейін сот өтіп, полиция қызметкерінің талабына бағынбау бабы бойынша қоғам белсендісіне 117 мың теңге айыппұл салынған.