«Қайрат» футбол клубының тәрбиеленушісі Дастан Сәтбаев «Челси» сапындағы маусымалды дайындық аясында Хаби Алонсо жаттықтыратын негізгі құраммен бірге жаттығуға кірісті, деп хабарлайды Alash.kz.
Әлеуметтік желідегі спорттық парақшалардың мәліметінше, отандық клуб жас таланттың жаңа команда сапына мерзімінен бұрын қосылуына ресми түрде рұқсат берген. Дайындық барысында футболшылар алғашқы кезеңге тән жалпы физикалық жаттығуларды орындап қана қоймай, тікелей доппен жұмыс істеуге көшті. Бұл бас бапкер Хаби Алонсо үшін өзінің тактикалық идеяларын ойыншыларға алғаш рет түсіндіріп, жеткізуіне жақсы мүмкіндік болды.
Айта кетейік, Челси клубының ресми ақпаратына сәйкес, бұл жиынға Дастан Сәтбаевтан бөлек Лэндон Эменало, Райан Кавума-МакКуин, Махди Никол-Джазули, Кэлвин Диаките және Реджи Уолш сынды жас футболшылар да шақырту алған.
