Талғарда Хасан Қасымбаевтың ауылында тағы да адам өлімі тіркелді

Алматы облысы полициясының мәліметінше, 14 қаңтарда адам өлтірді деген күдікпен Талғардың Рысқұлов ауылының 45 жастағы тұрғыны ұсталды, деп жазады Alash.KZ.

Күдікті — марқұмның азаматтық некедегі күйеуі.

Ер адам уақытша ұстау изоляторына қамалды, қылмыстық іс қозғалды.

Алдын ала мәлімет бойынша отбасылық жанжал кезінде ол әйелге пышақ жарақатын салған.

Бірнеше сағаттан кейін әйел көз жұмған. Жарақат алған жәбірленушіні туыстары тауып алған. Естеріңізге сала кетейік, Рысқұлов ауылы - Шерзат ісі кезінде аты аталған Хасан Қасымбаевтың ауылы.