Мұхтар Әуезовтің 125 жылдығына орай ұйымдастырылған іс-шараның өткізудегі мақсатымыз - жастар қашанда тың идеялардың қайнар көзі, оң өзгерістердің қозғаушы күші болып табылатындықтан, ұлы жазушының шығармашылығымен таныстыру, жазушы туындылары арқылы халқына, тілге, Отанға деген сүйіспеншілік сезімдерін ояту.
Кеш барысында тақырып бойынша «Кім жылдам» атты викториналық ойын жүргізіліп, жазушы жайлы танымал тұлғалардың нақыл сөздері, Ғ. Қайырбековтің «Тау Шыңғыспен тілдесу» өлеңдерінен үзінділер оқылып, «Абай жолы» жолы романынан сахналық көрініс көрсетіліп, Н.Тілендиевтің «Әлқисса» күйі, Құрманғазының «Адай» күйі, Абайдың әндері (патриоттық тақырыпта әсем ән мен өлеңдер) орындалып, кештің ажарын аша түсті. Кеш соңында университет ректоры кеш қатысушыларына және осы университет деңгейінде кездесу кешін ұйымдастырған оқытушыларға (Бегалиева Л.Б., Садыр Г.А., Бейсембиев Б.Қ.) және кешке ат салысып, өз өнерлерімен тәнті еткен студенттерімізге алғысын білдірді.
Бегалиева Ләззат Бегалиевна
