Алматы облысында кәсіпкер серіктесін өлтіріп, көлігімен бірге өртеп жіберген, деп жазады Alash.kz ұлттық порталы.
KTK арнасының хабарлауынша, бизнес серіктестер тапқан табысты бөлісе алмаған.
Қарасай ауданындағы демалыс орнының маңынан жанып кеткен көлік пен мәйіт табылды. Оқиға орнында өртенген көліктің бөлшектері ғана қалған.
Полицейлер қылмыстық іс қозғап, көп ұзамай 43 жастағы күдіктіні ұстады. Қазір ол уақытша ұстау изоляторында. Мәліметтерге қарағанда, екі ер адам ортақ кәсіптеріне байланысты жанжалдасып қалған. Яғни жүк тасымалдаумен айналысатын серіктестер табыстарын бөлісе алмаса керек. Кейін күдікті құрдасын балғамен ұрып, іле-шала көлігімен қоса өртеп жіберіпті.
