«Samruk-Kazyna Trust» қоры қызмет бағыттарын оңтайландырып, жобаларды қаржыландыру жайын бекітетін Қамқоршылық кеңес құрамын кеңейтуде. Сонымен бірге, қор сайты жаңарып, «Самұрық-Қазына» АҚ Қоғамдық кеңесіне есеп беру тұрақты жолға қойылмақ.
Осылайша оң өзгерістерге толық бетбұрыс жасалып отыр. Бұл туралы «Samruk-Kazyna Trust» қорының бас директоры Альфия Адиева «Самұрық-Қазына» АҚ Қоғамдық кеңесінің отырысында айтты.
2022 жылғы наурыз айында іске қосылған +7 (7172) 57-68-98 жедел желі нөмірінде Қор қызметкерлері өтінімдерді қабылдау қағидаларын түсіндіріп, ҮЕҰ тарапымен кері байланыс орнатуда. Осы орайда атап өтерлік жайт, халықтың көп бөлігін қамтып, қайырымдылық қызметін жүйелі түрде түрде жүргізу үшін жеке тұлғалар қаржыландырылмайды.
«Samruk-Kazyna Trust» қорының мұраты: «Самұрық-Қазына»АҚ тобы орналасқан өңірлерге баса назар аудара отырып, барша халықтың әлеуметтік-экономикалық тыныс-тіршілігін жақсартуға жәрдемдесу.
