Өзбекстан билігі өз азаматтарына Қазақстанға кірудің жаңа ережелері туралы ескертті. Енді Ресейдегі заң мәселесіне байланысты көршілерді Қазақстан Республикасына кіргізбеуі мүмкін, деп хабарлайды Alash.kz.
Өзбекстан Сыртқы істер министрлігі Қазақстанға келетін өз азаматтарына барлық қажетті құжаттарды өздерімен бірге алуға кеңес берді.
Бұл ретте өзбек-қазақ шекарасынан өткенде тек Қазақстан Республикасына ғана емес, Ресейге де кіруге тыйым бар-жоғын алдын ала біліп алған жөн.
«Өзбек-қазақ немесе ресей-қазақ шекарасын кесіп өткен кезде Қазақстанға ғана емес, Ресей Федерациясына да кіруге ешқандай кедергілер жоқ екеніне алдын ала көз жеткізу керек, өйткені өзара тану туралы ресейлік-қазақстандық екіжақты келісімдерге сәйкес және әкімшілік және қылмыстық істер бойынша шешімдердің орындалуына байланысты Қазақстанның құзырлы органдары Ресей Федерациясының көші-қон және өзге де заңнамасын бұзу немесе төленбеген айыппұлдар бойынша тексеру жүргізіп жатыр», - делінген Өзбекстан СІМ хабарламасында.
Өзбекстан азаматының Ресейде құқық бұзушылық жасағаны немесе төленбеген айыппұлы бар екені анықталса, оны Қазақстанға кіргізбеу немесе одан шығуға тыйым салуға болады.
