Қазақ боксшысы Махмұд Сабырхан Ливерпульде (Англия) өтіп жатқан World Boxing ұйымының әлем чемпионатының финалында шаршы алаңға шықты, деп хабарлайды Alash.kz.
55 келіге дейінгі салмақ дәрежесінде ол Испания боксшысы Рафаэль Лосано Серраномен күш сынасты. Нәтижесінде Махмұд Сабырхан төрешілердің шешімімен жеңіске жетті.
Еске сала кетейік, Махмұд Сабырхан бұған дейін 2023 жылы Ташкентте өткен әлем чемпионатында жеңімпаз атанған болатын.
Бүгінгі күні тағы бес қазақстандық былғары қолғап шебері финалдық жекпе-жектерін өткізеді.
