Қиын жағдайға тап болған курьер әйелдерге көмек көрсетіледі

Қазақстанда қиын жағдайға тап болған курьер әйелдерге әлеуметтік қолдау көрсетілетін пилоттық жоба іске қосылады, деп жазады Alash.KZ.

Жобаға Yandex Go қосымшасындағы «Тамақ», Lavka және «Жеткізу» сервистері арқылы тапсырыс орындайтын әрі кемінде төрт апта жұмыс істеген курьер әйелдер қатыса алады.

Көмек әр қатысушының жағдайына қарай жеке көрсетіледі. Әсіресе балаларын жалғыз тәрбиелеп отырған және көпбалалы аналарға, мүгедектігі бар адамдарға, ерекше қажеттілігі бар балаларды немесе ауыр науқас отбасы мүшесін бағып отырған әйелдерге басымдық беріледі.

Бұған дейін Алматыда сәбиін көтеріп алып, курьер болып жұмыс істеген жас ананың жағдайы әлеуметтік желіде қызу талқыланған еді.