Қазақстанда бір жылда 200-ден астам адам жұмыс орнында қаза тапты, деп хабарлайды Alash.kz CMN.kz телеграм арнасына сілтеме жасап.
2024 жылы өндірістік жазатайым оқиғалар салдарынан 1408 жұмысшы зардап шекті, оның 202-сі қайтыс болды.
Еңбек мемлекеттік инспекциясы комитетінің мәліметінше, 2024 жылы 202 адам жұмыс орнында қаза тапты. Сонымен қатар, өндірістік жарақат алу деңгейі 2023 жылмен салыстырғанда 4,5%-ға төмендеген.
Елдегі өндірістік аймақтарда жұмысшылардың жарақат алу жағдайлары жиі тіркелген.
Қарағанды облысында 159 адам, Шығыс Қазақстанда – 124, Павлодарда – 112, Абай облысында – 101, Қостанайда – 91, сондай-ақ Алматы қаласында 116 адам зардап шеккен.
