Сыбайлас жемқорлыққа қарсы іс-қимыл агенттігі білім саласындағы ұрлықты құрықтады. Ресми өкіл Данияр Бегайдаров 15 айда 14 млрд теңгеден астам шығын келтірген сыбайлас жемқорлық деректері туралы мәлімдеді, деп хабарлайды Alash.KZ ұлттық порталы.
Бегайдаров білім беру саласында 2023 жылдан бастап биылғы жылдың бірінші тоқсанына дейін еңбекақы төлеу қорынан қаражат ұрланғанын айтып,қылмыстық іс-әрекеттер әшкере болғанын атады.
"Бухгалтерлер ұлттық білім беру базасы, мектептің бухгалтерлік есеп жүйелері және клиенттердің қазынашылық жүйесі арасындағы интеграцияның жоқтығын пайдаланды. Олар төлем құжаттарына қолмен түзетулер енгізіп, бюджет ақшасын ұрлады. Жымқырушылық жыл сайынғы бюджеттік өтінімдерді қалыптастыру кезінде де іске асқан", - деді спикер.
Данияр Бигайдаровтың айтуынша, ұстаздар белгіленген нормадан жоғары жалақы алып жүрген. Бөгде тұлғалардың деректемелері бойынша өздерінің шоттарына бөгде адамдардың жалақыларын қоса есептеген. Сонымен қатар, "қайтыс болған" адамдарға жалақы есептеген.
"Агенттік білім беру саласында осындай 206 қылмыстық істі тіркеді. Олар бойынша залал 14 млрд теңгеден асты. Жалпы, ұрлықтың ең үлкен сомасы Түркістан, Жетісу, Қызылорда, Алматы, Ақтөбе облыстары мен Алматы қаласында анықталды. Ұрлау фактілері тексерілуде. Мысалы, жақында ғана Жетісу облысындағы сыбайлас жемқорлыққа қарсы қызмет Сарқан ауданының бюджеттік білім бөлімі басшысының заңсыз қызметін тоқтатты. Ол осы бөлімнің бухгалтерлерінің шоттарына артық белгіленген жалақыны заңсыз аудару арқылы 1 млрд теңге сомасында аса ірі мөлшерде бюджет қаражатын ұрлады деп күдіктелуде", - деп толықтырды ол.
Антикордың мәліметінше, тергеу әрекеттері кезінде 156 млн теңге сомасында ақшалай қаражат табылып, тәркіленді. Күдікке ілінен азаматт соттың санкциясымен қамауға алынды. Қазір аталмыш іс бойынша тергеу жалғасып жатыр.
