Баянауылда ағасы мен інісі суға батып кетті. Олар шомылуға рұқсат етілмеген жерге суға түскен, - деп хабарлайды Alash.kz ұлттық порталы pavlodarnews.kz-ке сілтеме жасап.
Облыстық ТЖД баспасөз қызметінің мәліметінше, 28 маусымда сағат 00:58-де Торайғыр көлінде 2011 және 2013 жылы туған екі ағайынды суға шомылуға тыйым салынған жерде суға батып кеткен.
"2013 жылы туған баланың денесін судан куәгерлер алып шыққан. Таңертеңгі сағат 05.15-те ТЖД жедел құтқару жасағының бес құтқарушысы күшімен 2011 жылы туған баланың денесі табылып, судан шығарылды", - деп хабарлады департамент.
