Атырауда жасөспірімді соққыға жыққан жүргізушіге қатысты іс жабылды, деп хабарлайды Alash.kz.
Атырауда “Шаңырақ” отбасылық үлгідегі балалар үйінің 15 жастағы тәрбиеленушісін мекеме жүргізушісі бірнеше рет ұрғаны туралы ақпарат тарады.
Atyrau ONLINE мәліметінше, бұл оқиға бойынша қозғалған қылмыстық іс тоқтатылған.
Полиция жасөспірімнің жәбір көргенін растағанымен, оның ресми шағым түсірмегенін мәлімдеді. Осыған байланысты іс жабылған.
Ал жүргізуші өз кінәсін мойындамай, болған жайтты жай ғана “қалжың” деп түсіндірді.
Сондай-ақ, ол жеткіншектің өзіне жиі тиісетінін айтты. Жасөспірім де бұл сөзді растады.
