«Күзде Президент сайлауы өтеді». Тоқаев президент өкілеттілігін бір мерзіммен шектеуді ұсынды
Президент Қасым-Жомарт Тоқаев бүгін өз Жолдауында күзде кезектен тыс Президент сайлауы өтетінін жария етті, – деп хабарлайды www.alash.kz
– Мен биылғы күзде кезектен тыс Президент сайлауын өткізуді ұсынамын. Әділетті Қазақстанды құру жолында түбегейлі және жан-жақты реформаларды табысты жүзеге асыру үшін халықтың жаңа сенім мандаты қажет.
Мен үшін мемлекет мүддесі бәрінен биік. Сондықтан мен өкілеттік мерзімімді қысқартуға және кезектен тыс Президент сайлауына баруға дайынмын.
Сондай-ақ, мен көп ойланып, Президент өкілеттігі мерзімдерінің санын және ұзақтығын қайта қарау қажет деген байламға келдім. Президент мандатын ұзақтығы 7 жылдық бір мерзіммен шектеуді ұсынамын. Бірақ қайта сайлануға тыйым салынады, – деді Мемлекет басшысы.
