Қоғам белсендісі, блогер Ахметбек Нұрсила Олимпидадан қайтқан спортшыларға дүбірлетіп той жасап, бүкіл облыс болып қарсы алып жатқан әрекетімізді мақтаншақтық деп бағалайды, деп хабарлайды Alash.KZ.
"Олимпиада чемпиоандары "Көк туымызды желбіретті,қазақты әлемге танытты" деп мақтанамыз. Осы не мақтан? Танымал болу мақтан болса, Бишимбаев 1 айда бүкіл Қазаққа ғана емес, Ресей, Өзбекстан, Қырғызстан тағы басқа елге түгел танылды! Енді Бишимбаевтың ата-анасы "Біздің ұлымыз жарты әлемге танылды" деп мақтанулары керек пе?
Әншілеріміз бен спортшыларымыз Қазақстанды әлемге қай жағынан танытып жатыр? Әлемдегі жері үлкен, жер асты байлығы ғажап ел бола тұра халқымыз кедей болғаны мақтан ба? Жемқорлықтан әлемде алдыңғы орынның бірін алатынымыз мақтан ба? Тым құрғанда аяққа киетін нәски өндірмейтініміз, елімізде бірде бір өндіріс қалмағаны мақтан ба? Етімізді Аргентина мен Бразилиядан, сүтімізді Белоруссия мен Қырғызстаннан сатып ішіп- жеп отырғанымыз мақтан ба? дейді жазба авторы.
Одан кейін автор Абайдың қара сөзінен мысал келтіріп, мақтаншақтықтың түп төркінін арыдан іздейді.
