"Олар Хасанды қолдап, ұйымдасқан қылмыстық топты қорғаштап отыр" дейді Алматы облысының тұрғыны.
Ер адам желіде "Хутор" қылмыскерлер тобы жайлы, Хасан Қасымбаевтың жоғарыдағы қорғаушы туыстары туралы өз шындығын айтты, деп жазды Alash.KZ сайты KYN.KZ материалына сілтеме беріп.
Оның сөзінше, тұрғынның өзі де дәл осы қылмыстық топтан жәбір көрген. Әділдік сұрап, прокуратураға да арыз жазған. Бірақ еш нәтиже болмапты.
"Хасанды қазір қамады. Жүргембаев Жамболат оның туысы. Жүргембаев Мұхтар қазіргі сенатор оның жақыны. Олардың түбі сол Астанадан. Қазір біздің ауыл әкімі Досымбаев Нұрбол. Олардың барлығы осы қылмысты ұйымдасып жасайды. Ал қолында билігі барлар сол Хасанды қорғаштап отыр. Олар кезінде менің ізіме түсіп, өлтіреміз деп қорқытты",-дейді кәсіпкер.
