Ресей президентінің көмекшісі Юрий Ушаков Путин мен Трамп қашан кездесуі мүмкін екенін айтты, деп жазады Alash.kz ұлттық порталы.
«Путин мен Трамптың кездесуі мұқият дайындалуы керек, олардың деңгейінде талқыланатын нақты нәтижелер болуы қажет. Саммиттің 2025 жылы өтетіні нақты емес. Қазіргі уақытта кездесу туралы нақты келісімдер жоқ. Екі көшбасшының телефон арқылы сөйлесуі пайдалы, мұның өзінен белгілі бір нәтижелер шығып жатыр», – деп жауап берді Юрий Ушаков «Россия 1» телеарнасының «Москва. Кремль. Путин» бағдарламасына берген сұхбатында.
