Қостанай облысында полиция подполковнигі қызметтік міндетін атқару кезінде қаза тапты, деп хабарлайды ALASH.KZ.
Қостанай облысында полиция подполковнигі Батырсаим Зайтинов қаза тапты.
Ол қызметтік міндетін атқарып жүрген кезде жол-көлік оқиғасы орын алған.
Бұл жайлы Ішкі істер министрі Ержан Саденов хабарлады.
Ресми мәлімдемесінде ол марқұмның отбасына және әріптестеріне көңіл айтты:
«Қостанай облысы полиция департаментінің учаскелік инспекторының туыстары мен жақындарына қайғыра көңіл айтамыз. Оның есімі ведомство мен әріптестерінің жадында мәңгі сақталады», — деп жазды Саденов Instagram парақшасында.
Жол апатының мән-жайы әзірге жарияланған жоқ. ІІМ марқұмның отбасына барлық қажетті көмекті көрсететінін мәлімдеді.
