Шымкентте 20 күн бұрын жоғалған Бәйдібек Ақмырзаұлы өлі табылды, - деп хабарлайды Alash.kz Massaget.kz сайтына сілтеп.
Редакцияға бұл туралы Шымкент полиция департаментінің баспасөз қызметі растады.
Ол кейінгі рет Шымкенттегі әуежайда досын шығарып салып, қоғамдық көлікке отырған.
Жас жігіт 2025 жылғы 14 қаңтарда Түркістан облысы Ордабасы ауданынан Шымкентке жүргізуші куәлігін алуға барған. Кейін сағат 14:37 шамасында досын әуежайда шығарып салған.
"15:22-де "Қатын көпір" аялдамасы маңында бір ұялы телефоны өшкен, ал 16:00 шамасында екінші телефоны өшіп қалған. Соңғы рет әкесімен желі арқылы ауылға қайтатынын айтып байланысқан. Одан кейін ұшты-күйлі жоқ, - дейді жақындары.
