3 ақпанда Түркістан облысында Кентау – Түркістан тасжолының бесінші шақырымында екі Audiмаркалы автокөліктің қатысуымен жол-көлік оқиғасы орын алып, соңы өртке ұласты, деп хабарлайды Alash.kz.
Алдын ала мәлімет бойынша, жеңіл көліктердің бірінің жүргізушісі қарсы жолаққа шығып, басқа көлікпен бетпе-бет соқтығысқан.
“Жол апаты салдарынан алты адам қаза тауып, түрлі дене жарақатын алған төрт адам Кентау қаласындағы медициналық мекемеге жеткізілді. Қазіргі уақытта алдын ала тергеу амалдары жүргізілуде, барлық мән-жай анықталғаннан кейін процессуалдық шешім қабылданады”, – деп мәлімдеді Түркістан облысы полиция департаментінің баспасөз қызметі.
Ведомство барлық жүргізушілерді жол қозғалысы ережелерін қатаң сақтауға, жылдамдықты асырмауға және қарсы жолаққа шықпауға шақырады.
